海鮮站 (已搬遷) 新店位置

喺openrice搜寻器中打「海鲜」两字，首五名内揾到呢间海鲜站，即日下午订枱食晚饭居然成功，于是便去试一试。由于佢唔近地铁站，所以要好揾好一阵，一见到就谂：死伙! 间舖咁细，咪有排等? 之后有侍者居然带我入商场，我先知道我今日会系商场走廊食饭...讲真，唔系抱太大期望，但地方干净，又唔见小虫虫，不妨一试！两个人，叫咗： 翡翠螺：好大只，又新鲜又甜！48蚊6只，必食！ 中虾沙律：新鲜水果配合得好好，中虾都几新鲜！ 琵琶虾：一般，比想像中细 龙虾汤：正！比得上出名的西餐厅。配上脆脆的多士，yummy!! 水晶蟹：今日的主角。本来订咗加拿大蟹，但因材料问题无得食，所以听咗推介叫咗$580水晶蟹。侍者果然无介绍错。蟹肉鲜甜、d羔又香又滑又鲜，好少食到咁正的羔 (一般都会有少少腥)。所以就算好罪恶都食得一干二净。我地觉得物有所值! 笼仔芥兰：一般，都几好味。成餐饭最令人窝心的是服务一流，上菜十分细心，令人食得好舒服。