1523 釗級廚房 (已結業)

1523钊哥厨房 元朗佢做紧四周年做紧优惠，$1有六只单骨鸡翼，食落似m记脆鸡翼，炸粉都够脆，但味道唔算太浓，一蚊鸡真系好抵食。另一个系99蚊有牛扒配薯菜，比佢吸引左入去。牛扒好大块，有只半手掌咁大，可惜系牛扒落得太重松肉粉，食落似茶餐厅𠮶种难食嘅牛排，冇咩牛味，令人失望。薯蓉有黑松露味，份量正常；红酒汁反而唔错，蔬菜味几出，味道有层次。加左＄20要左跟餐配汤同饮品。有得意啲嘅野饮，例如我就要左小朋友鸳鸯，系平时餐厅好少见嘅野。汤系西兰花汤，食得出好真材实料；蒜蓉包就唔够脆，不过味道同香味都够嘅。另外要左蟹肉意大利饭（$93）令人惊喜，蟹肉份量几多，食每一啖都会有食到少少，加上甜嘅果干同果仁，有咬口，亦都香口好多。份量叫几大份下，饭嘅口感不过不失，味道系偏甜口味嘅意大利饭，甜甜地，同以往食开嘅好唔同，但都好食。