影片
更多
2019-04-19
1271 浏览
朋友上次去完复仇者餐厅，力赞食物水准高，提议要带我们去朝圣，终于喺长假期单嘅今晚成团，八个人一齐去食餐劲嘅！听讲间餐厅系由全民造星嘅其中一个仔仔Jason所开，估唔到一上到去，已经见到佢带住围裙招待我哋。自问唔系佢fans，纯粹为品尝美食，由于我哋有八个人，亦非常肚饿，所以几乎叫咗餐牌上9成食物！一定要赞芝士黑松露煎饺，真系好好好好好好食呀！而且仲系佢哋自己包嘅，馅料份量十足，食落黑松露味道较重，但又冇盖过芝士嘅味道，可惜我哋去到已经系最后8只，冇得加单了咸蛋黄薯条亦都非常美味，对于我哋呢啲劲钟意黄金乜乜乜嘅年青人嚟讲，特别啱口味，而且薯条系新鲜炸起，食𠮶阵差啲”辣”亲条脷！呢碟靓到艺术品嘅冷豆腐，美味在个酱汁睇落好似好辣，其实唔辣但好惹味，可惜8个人分每人只可以食一啖，有啲唔够喉。传说中嘅普洱茶香鸡翼，我就略嫌普洱茶味唔够浓，不过我欣赏呢味𩠌嘅创意！到咗主菜，呢碟慢煮茶叶炆猪腩仔，炆得超淋但啲肉唔”梅”到，尽显厨师功架！之后一定一定要讲呢个所有人都赞好食嘅招牌carbonara 炒肠粉，香港人对肠粉系有一种情意结，间唔时就会抽起条根想食，加上用carbonara 汁嘅炒肠粉，真系超有
自问唔系佢fans，纯粹为品尝美食，由于我哋有八个人，亦非常肚饿，所以几乎叫咗餐牌上9成食物！
一定要赞芝士黑松露煎饺，真系好好好好好好食呀！而且仲系佢哋自己包嘅，馅料份量十足，食落黑松露味道较重，但又冇盖过芝士嘅味道，可惜我哋去到已经系最后8只，冇得加单了
咸蛋黄薯条亦都非常美味，对于我哋呢啲劲钟意黄金乜乜乜嘅年青人嚟讲，特别啱口味，而且薯条系新鲜炸起，食𠮶阵差啲”辣”亲条脷！
呢碟靓到艺术品嘅冷豆腐，美味在个酱汁睇落好似好辣，其实唔辣但好惹味，可惜8个人分每人只可以食一啖，有啲唔够喉。
传说中嘅普洱茶香鸡翼，我就略嫌普洱茶味唔够浓，不过我欣赏呢味𩠌嘅创意！
到咗主菜，呢碟慢煮茶叶炆猪腩仔，炆得超淋但啲肉唔”梅”到，尽显厨师功架！
之后一定一定要讲呢个所有人都赞好食嘅招牌carbonara 炒肠粉，香港人对肠粉系有一种情意结，间唔时就会抽起条根想食，加上用carbonara 汁嘅炒肠粉，真系超有创意，我食过好多出事嘅carbonara ，有啲煮到个汁水汪汪，有啲就杰挞挞，呢啲反而刚好，估唔到个味可以夹到肠粉，8个人每人分得两条实在唔够，最后我哋再追加多一份。
用中文歌词做饮品名，虽然同杯茶嘅材料完全无关，但叫得过瘾！我呢杯洛神花荔枝红茶，沟埋有少少似利宾纳，非常特别。
其实睇到啲嘢唔算细啲，只系我哋8个人分，每样都只可以浅尝，不过可以差不多试晒啲𩠌系好开心嘅！基本上每样食物都非常美味，全部即叫即整，虽然要逐碟逐碟上菜，但绝对值得等！
温馨提示：目测店舖只可以容纳12人，如果想帮衬，记得订位！
张贴
