生記茶餐廳 (已結業)

上网见到生记茶餐厅竟然俾人放上Open rice, 觉得好奇, click入去睇下, 都好多人赞㖞! 我本身住红磡, 之前帮衬过佢地, 都只不过系一间普通茶餐厅, 夜晚就做火窝, 唔上网都唔知佢地转左型, 即管揾日同honey去试下, 可能系星期五嘅关系, 去到都要等位, 等位唔紧要, 但d伙记就安排得好鬼混乱, honey块面当堂黑哂, 点知班伙记块面重黑过佢, 完全好似唔忧做咁! 等左成粒钟, 卒之坐低左, 我地叫左蟹粥同炸八爪鱼丸, 讲真, 蟹粥冇特别, 个八爪鱼丸亦都冇特别, 完全系街市货色, 再加少少粉炸两炸, 肯定唔系自制, 上年喺隔两条街间快餐店嘅下午茶餐已经食过, 都唔系咩创新菜式, 虽然带左相机, 但系连举起相机嘅兴趣都冇, 食完埋单, honey块面重黑多两钱重, 肯定以后唔会再去!