影片
更多
2019-04-18
110 浏览
其实入嚟，系因为见到呢个咁靓嘅环境，真系好吸引，彷佛去咗一个停顿时间嘅空间！好好彩，安排咗一个对住吧枱嘅位置，可以睇住调酒师嘅调酒过程，好似睇紧表演咁😆唔系啩！9蚊一只蚝？邻枱叫咗，好大只吓㗎㖞！可惜朋友肚仔有啲唔舒服唔食得，唯有下次啰！例牌侍应会先奉上nuts! Beauty and the datk(左) ：士多啤梨味夹杂住oreo味，香香甜甜又creamy ，女仔一定钟意！Nights cape右：好靓嘅颜色呀！应该系用蝶豆花整出嚟！酸酸甜甜嘅感觉！好清爽！蜜糖鸡翼～女仔有8成都会好钟意食鸡翼，当然我都唔例外！蜜糖甜甜地，仲带有香气，一上枱已有幸福嘅感觉，而佢微微湿润嘅外皮，绝对唔会有热气感，食多两只都唔怕！黑松露野菌薄饼 ~食薄饼，我多数会留意个饼底，因为间间都有唔同做法，可以睇得出每间食肆厨师嘅「功力」，呢个薄饼嘅饼底系脆底，我可以形容为近乎饼干嘅脆！加上饼面独特嘅黑松露酱汁同鲜菌，的确好好味！炸明太子芝士栗米球～听店员讲呢款小食只系出咗两日，一向喜欢尝鲜嘅我，当然第一时间叫嚟食喇！睇menu以为系细细粒，嚟到先见到系一个女仔拳头咁大！有两款口味！一个系粟米+芝士（有拉丝效果
好好彩，安排咗一个对住吧枱嘅位置，可以睇住调酒师嘅调酒过程，好似睇紧表演咁😆
唔系啩！9蚊一只蚝？邻枱叫咗，好大只吓㗎㖞！可惜朋友肚仔有啲唔舒服唔食得，唯有下次啰！
例牌侍应会先奉上nuts!
Beauty and the datk(左) ：士多啤梨味夹杂住oreo味，香香甜甜又creamy ，女仔一定钟意！
Nights cape右：好靓嘅颜色呀！应该系用蝶豆花整出嚟！酸酸甜甜嘅感觉！好清爽！
蜜糖鸡翼～女仔有8成都会好钟意食鸡翼，当然我都唔例外！蜜糖甜甜地，仲带有香气，一上枱已有幸福嘅感觉，而佢微微湿润嘅外皮，绝对唔会有热气感，食多两只都唔怕！
黑松露野菌薄饼 ~食薄饼，我多数会留意个饼底，因为间间都有唔同做法，可以睇得出每间食肆厨师嘅「功力」，呢个薄饼嘅饼底系脆底，我可以形容为近乎饼干嘅脆！加上饼面独特嘅黑松露酱汁同鲜菌，的确好好味！
炸明太子芝士栗米球～听店员讲呢款小食只系出咗两日，一向喜欢尝鲜嘅我，当然第一时间叫嚟食喇！睇menu以为系细细粒，嚟到先见到系一个女仔拳头咁大！有两款口味！一个系粟米+芝士（有拉丝效果喔！），另一个系明太子口味！当中有几粒四方形嘅明太子粒粒，个口感好得意！系非一般嘅明太子！
Strawberry blossom~呢款甜品嘅酱汁系用bailey's 嘅士多啤梨味限量版整出嚟㗎！香香甜甜嘅口味加埋creamy 嘅雪糕球同窝夫饼底，好满足喔！我敢肯定95％嘅女仔都一定会钟意！
只要落单果吓系8点前就有8折！睇返张单平咗咁多，真系偷笑！
张贴
