令和居酒屋

营业中

休息中

次次行过哩间居酒屋，睇到名都觉得几得意，今次终于可以试试。晚市menu好多选择，仲有时令菜单。荔枝乳酸苏打同凤梨乳酸苏打，果汁味都几香，同乳酸balance得几好，同埋唔会好甜，唔错。前菜，免费嘅海草沙律，用咗简单啲日式调味，食落爽口弹牙。四色刺身盘，有三文鱼，吞拿鱼，赤虾同帆立贝。三文鱼同吞拿鱼好大一件，油脂丰富入口即化。赤虾Q弹软糯，帆立贝肉质饱满食落好鲜甜。串烧，拣咗白葱豚肉串，烧鸡棒同烧鲜鳗鱼串。用咗酱烤方式烹制，烧烤火候掌握得啱啱好，特别系鳗鱼，皮脆肉嫩肉质鲜甜，一定系新鲜鳗鱼。令和手卷，刺身堆到山咁，一口落去，有鲜甜刺身，脆口青瓜同埋粒粒鱼籽，劲满足。牛肠锅，唔单止有牛肠，仲有牛腩同大量蔬菜。牛肠处理得好干净，食落好爽口。调味落咗蒜片，辣椒同埋白胡椒，饮完汤身体都暖咗。