陳儀興尚潮樓 (英皇道)

营业中

休息中

同事介绍话呢间食潮州菜好正宗，今日终于抽到时间嚟试下，果然好正，每道菜嘅味道都够哂到位。二十年老菜甫猪肚汤呢个年份嘅老菜甫，有药用价值，非常陈年咸香，汤头经过长时间熬煮，清甜得嚟有深度。猪肚爽嫩入味，菜甫的清香与汤的鲜味相互融合，系我近期饮过最好嘅汤👍👍梅汁鳝球梅汁鳝球使用新鲜嘅白鳝制作，搭配酸甜嘅梅汁，令鳝球嘅鲜味更加突出。梅汁嘅酸香平衡咗炸鳝鱼嘅油腻感，每一口都爽弹juicy，最难得嘅系白鳝嘅骨都被厨师去得非常干净，就算平时唔太食鱼嘅人亦都适合👍什菌爆炒海参柳什菌爆炒海参柳选用咗多种新鲜菌类，加入海参炒至香气四溢。餐厅一般食海参都系食炆嘅比较多，炒嘅海参原来非常特别，香好多之余仲保留咗海参软腍又实在嘅口感😋碧绿川椒鸡川椒的香气同鸡胸肉嘅鲜嫩形成绝妙嘅对比，让每一口都充满惊喜，虽然浓味，但系唔会太辣，但系花椒嘅香味好明显🤤潮州炒鱼面鱼面成日听，但今日第一次食，食落有啲鱼蛋口感，爽得嚟又似面，不过冇鱼骨冇鱼腥味，师傅炒得有获气，捞埋潮洲辣椒油一齐食仲正！😆见佢哋仲有包箱可以book, 啱哂一大家人节日family day活动，而且餐点够多款式，后生同老一辈嘅人一齐食都冇问题。