水門雞飯 (百宜樓) (已結業)

今次同朋友行完山落咗黎呢一边食饭，午餐时间都几多人嚟食，店面就唔算话特别大，而且一入去就有食物嘅香味，令到人觉得好肚饿。-今次就叫咗个水门鸡饭同埋一杯泰式奶茶，首先个饭系有些少嘅姜黄同埋有淡淡嘅鸡味，同埋啲饭都系粒粒分明，唔会太碎。鸡件嘅份量都几多，而且啲肉质都几滑唔会鞋，旁边仲有个酸酸辣辣嘅汁可以攞嚟点，仲有两片青瓜做装饰，都几开胃㗎。奶茶几有泰式嘅风味，奶滑茶香，而且唔会太甜，亦唔会令人感觉喉咙好唔舒服，而且啲冰亦都有冰镇嘅感觉，最后佢附送𠮶个胡椒辣汤，配饭食都几好饮。-总括来讲佢嘅价钱都还可以，如果可以坐得再舒服啲咁就更加好啦。