傷心酸辣粉 (馬鞍山中心) (已結業)

上次食系新年前，经验麻麻。今次再同辣妹姐、泰潮哥、男朋友食，完全改变睇法，因为好好味！我地叫左三个套餐，加两碗白饭。男朋友前日感冒快肠胃炎，都惊佢食完吾舒服，过佢坚持冇问题。叫完嘢食，问职员拎锁匙去洗手间，问佢地系边个阵，竟然答吾到。问经理，佢俾左个好惊讶既反应我，但又支支吾吾，之后终于讲到系边 。系吾系知道洗手间系常识？？？佢冇过有人会问？！返到黎，伤心酸辣粉同卤水拼盘已经到左。我及及待要食个粉，因为个人好钟意佢既酸辣。我食小辣已经觉得有小小支持吾住，辣妹姐对大辣既爱慕真吾识欣赏。经理送左个冻粉俾我地，话想我地俾啲意见：粉淋得滞，但几钟意冻食。个鸡真系要赞，四个人叫左成只，最后剩低一两旧，因为啖啖肉，比系铜锣湾个间足料好多！好入味！鸡皮咬落有类似食绵花鸡既软度，但仍然感受到肉质厚实。至于卤水拼盘，当我回想佢既存在既时候，只剩低一旧鸡脚。正当我庆幸自己执返最后一旧既喜悦时，一咬落去，成旧又硬又瘦既鸡脚骨.......甘卤水拼盘应该吾算值得推介之选。同另外要赞既系蒜泥白肉，佢同谭仔相比，入味好多，蒜味冇甘浓，但系保留到香味，仲要长长一块，有我手掌甘长，食落又吾肥腻，正！