影片
更多
2015-12-04
916 浏览
星期六嘅晚上, 相约左朋友去兰桂坊饮野兼睇波。系开怀畅饮之前, 当然就要先食个晚饭, 始终空肚饮酒伤身嘛。 朋友系港岛区居住, 对呢一带嘅食店都相当熟悉, 所以佢就推介左呢间系摆花街附近嘅印度菜。呢间餐厅系商业大厦嘅7楼, 系大堂等一阵'车立', 就展开呢次印度味道之行。餐厅布置颇有异国风情, 但table setting依然都系偏向西式, 始终都要方面香港人嘅饮食习惯嘛。呢度嘅价格定得一啲唔贵, 绝对系中环区便宜之选, 所以更加唔驶悭住个银包, 可以随自己心意点菜。先黎杯充满印象风情嘅饮品, 分别系芒果同香蕉乳酪。酸酸甜甜嘅味道, 除左令人开胃之余, 更加系有助解辣!侍应先送上胡椒脆饼作餐前小吃, 脆口非常, 而且胡椒味道香, 加上印度嘅3色香料, 味道倍感滋味!接著就系我地order嘅小食, 炸洋葱圈。洋葱圈不油不腻, 炸得干身香脆, 洋葱亦唔会苦, 点埋个酱, 甜甜地, 又同洋葱圈几合拍!!铁版烧鸡亦系我当晚嘅至爱, 鸡件绝对系上等嘅食材, 完全食唔到任何雪藏味之余, 鸡肉嘅质感亦是鲜嫩无比, 如果份量再多一点就更好XD味道方面, 因为佢用铁版上碟, 加上洋葱作伴碟, 香味定必
朋友系港岛区居住, 对呢一带嘅食店都相当熟悉, 所以佢就推介左呢间系摆花街附近嘅印度菜。呢间餐厅系商业大厦嘅7楼, 系大堂等一阵'车立', 就展开呢次印度味道之行。
餐厅布置颇有异国风情, 但table setting依然都系偏向西式, 始终都要方面香港人嘅饮食习惯嘛。
呢度嘅价格定得一啲唔贵, 绝对系中环区便宜之选, 所以更加唔驶悭住个银包, 可以随自己心意点菜。先黎杯充满印象风情嘅饮品, 分别系芒果同香蕉乳酪。酸酸甜甜嘅味道, 除左令人开胃之余, 更加系有助解辣!
侍应先送上胡椒脆饼作餐前小吃, 脆口非常, 而且胡椒味道香, 加上印度嘅3色香料, 味道倍感滋味!
接著就系我地order嘅小食, 炸洋葱圈。洋葱圈不油不腻, 炸得干身香脆, 洋葱亦唔会苦, 点埋个酱, 甜甜地, 又同洋葱圈几合拍!!
铁版烧鸡亦系我当晚嘅至爱, 鸡件绝对系上等嘅食材, 完全食唔到任何雪藏味之余, 鸡肉嘅质感亦是鲜嫩无比, 如果份量再多一点就更好XD味道方面, 因为佢用铁版上碟, 加上洋葱作伴碟, 香味定必丰盛。鸡件亦用上左些微嘅南亚风味嘅香料腌制, 味道固然系可口之外, 唔会夺走鸡肉鲜味至为重要!
最后我地叫左咖哩炖羊肉同埋一客牛油烤饼。咖哩炖羊肉绝对系适合香港人嘅口味, 咖哩味香浓, 但辣味适中, 绝对唔会令人吃一啖就却步~~羊肉亦炖得质地松软, 食嘅时候唔驶花过多嘅力气, 都食得出咖哩味已经渗进羊肉入面, 证明厨师确实用不少时候去烹调呢个𩠌菜, 诚意度爆灯!
牛油烤饼系即叫即整, 上枱时系热辣辣, 面包质地软绵绵, 加上适量嘅牛油香, 就咁食已经够滋味! 不过点埋咖哩汁, 味道会更加令人难忘!
一餐相当丰富嘅印度菜, 而且坐落中环闹市, 两个人都唔驶$400, 绝对系物超所值!!
张贴
