越南表嫂

营业中

休息中

话说3年前同朋友去过越南，当时经常食河粉同法包，日日食到我都怕，呢几年我都无再食越南菜，但难得放假，女朋友又想食呢间远近驰名嘅越南餐厅，我就就咗去买外卖。我好早已经去到，但店舖已经接咗好多单，开咗半个钟，我都要等45分钟先拎到嘢食，而且店家有啲乱，出嘢食好似无跟顺序咁…但食嘢最紧要味道！ 首先一碗生牛肉汤河，汤头清甜，牛味亦足，可惜牛肉好韧，但呢个价位都正常嘅。另外又叫咗一碗猪扒拼墨鱼饼捞檬，个猪扒唔错，香茅味足，肉质唔柴，墨鱼饼就非常惹味，口质弹牙，墨鱼味又够，可惜得一旧，如果钟意食，应该要叫小食，个汁就酸酸哋，都几开胃。最后仲有最惊喜嘅猪颈肉法包，法包非常脆，猪颈肉就正常味道，因为佢个酱太出色，如果经过真系会叫一个食。