山城小麵 (太子中心)

营业中

休息中

睇戏前食个快餐，估唔到都有惊喜。朋友仔话带我去戏院附近的一间小店，食传统川菜。食物未食到，已经被餐牌吓亲。价格彷佛停留在10多20年前，二人餐只系$100左右。先点两个小食。口水鸡凉凉地，又爽口，最紧要够晒惹味。红油抄手大大粒，馅料丰富。食辣野最好配一杯鲜豆浆。主菜出来了，山城牛肉面，原来系类似牛筋腩的牛肉，配上手制面条。清汤清香，而且冇味精。牛肉味香浓，面条有咬口。整体而言，都算几高质，绝对唔似系三十几蚊的货色。朋友仔个捞面都好似几吸引。快快手食完谂住去睇戏，点知朋友话一定要食埋甜品。原来呢度只有一款甜品，就系红糖冰粉。冰粉系传统的四川甜品，食材唔矜贵，但系就好多工序，所以唔多食店有得食。食完辣野，食一碗冰凉透心的冰粉，带少少甜，正好解辣。