令酒場 (已結業)

时令刺身盛盒🫶🏻呢个未食前一定要打卡先，刺身放系层架上面，好似港女tea set呀！入面有大吞拿鱼腩 ，日本海胆，深海池鱼，帆立贝，金目鲷，南非鲍鱼，赤虾。我既最爱一定系大拖罗，入口即溶，棉花咁呀；海胆都系好滑好鲜，鲍鱼又爽弹，每一样都系无可挑剔呀！串烧👏🏻我地一叫叫佐几款，两款豚肉卷都各有风味，芫荽豚肉卷就有充足芫荽，脆口得黎又香芫荽味，露笋豚肉卷既露笋就软冧清香，豚肉充满油香，渗晒落配料；而鸡皮同鸡全翼亦好食，又脆肉又腍，烧到好香！汁煮和牛面肉🫰🏻牛面肉有食过，和牛面肉就系第一次食，比普通既牛更嫩更腍，肉味更浓，烟韧浓香，烧汁更带出和牛既香味，食到停唔到口！蟹甲罗烧👍🏻同样要打卡先既一个料理，蟹盖装住海量蟹肉，蟹肉多得黎亦有蟹籽，口感有层次又丰富，食得出仲有啲蟹膏，另外配有烘脆既多士，放上去食又无咁滞，出色！