寶泰船麵

营业中

休息中

街坊住附近。听朋友介绍试吓。午餐时段人唔系多，环境舒服。叫咗碗鸡船面，小食拣咗泰式酸辣皮蛋沙律，跟一杯香茅特饮。主角嘅船面….灵魂一定系汤底。清甜，食得到好多汤底嘅材料淆出嚟，偏甜。俾两只鸡髀仔，okay滑。个人觉得一定要加酸辣酱同埋辣粉，那种泰国味先至会出晒嚟，怕辣嘅不如唔好食。点讲好呢？Fair啲睇，以佢嘅价钱我认为非常不错。100蚊有小食有特饮仲有呢碗汤底。但系有冇𠮶种惊天动地嘅震撼感觉？同湾仔蓝屋𠮶度嘅船面差好远。咁人哋收贵一倍价钱，仲攞埋米仔星星，𠮶啖汤当然系完全两个世界。暂时湾仔仲系全港最好食嘅船面。个酸辣皮蛋沙律，其实几有惊喜，钟意辣嘅应该点。