芝味鳥

营业中

休息中

我同我男朋友见食评咁多good，于是就系试下。间嘢劲偏僻，揾咗好耐啰 = = 不过佢咁平，系咁口架啦！入度到，哗！冇咩装修，同埋间嘢劲细，得十零张枱。啲枱仲要抹得麻麻地，有油的 不过我哋已经好肚饿，算啦！食完就返屋企。我哋点咗个两人套餐:有6吋pizza — 我哋点咗环游世界，劲难食，包ge皮劲厚，同埋冇芝士 炸鸡—如我所料，好多汁，一咬漏出嚟，冇连锁店KXC咁难食，最满意！千里香猪仔骨配薯条—麻麻，又咸又整到㶶哂，同埋啲肉好肥，我男朋友食咗一件已经唔想食。虽然好大件，好抵，但我宁愿质素高啲，好过大件唔好食。 龙虾汤—ok 啦，我觉得咸咗少少，宁愿好似我男朋友咁饮coke 好过。整体嚟讲，我哋系食唔哂个餐，而且麻麻地钟意，不过佢真系得个抵字，同埋炸鸡系好味ge，所以最好系叫外卖，唔使响店里咁颓。