@Rex Caffe (已結業)

本人在中环返工，听同事话成日去@Rex 食 lunch, 今日终于有机会试。好彩男朋友帮我一早订位。眼见成点几钟都仲要等位。咁多人，系味咁好食呀.... 可能人太多，server都招呼唔切，不过好快就有人送上menu。set lunch选择都算几多，有成十几样 main course 拣。男明友提议叫mushroom soup 和 smoked salmon 沙律一齐 share. 个汤好重菇味，不似其他的磨菇汤多cream无菇味。 但不够咸，如果咸少少就perfect..正！而沙律就一般，沙律汁不够酸，但烟三文鱼就好食。主菜叫咗个鸭胸和虾天使面，有惊喜！鸭胸煮得好嫩又无乜血水，初初都惊"好鞋" ...配以好似蜜糖橙汁的酱。好似食烧鸭点甜酸酱咁。天使面的虾味好重，都几弹牙。完来加十蚊就有甜品，甜品狂的我当然一定要试。是日甜品是coffee panna cotta. 不错！以咁嘅价钱来讲，是一个很好的选择。下次要试试晚餐的menu。