影片
更多
2018-10-16
374 浏览
对上一次到访已经接近一年前，事实上都系觉得普普通通，但我地喺呢头食完饭，好想食甜野；但又唔想去某啲糖水店难为自己。唯有近近地行过黎。平日夜晚都仲系人头涌涌，有啲人食糖水，有啲人食主餐。幸好我地系两人，无需等位，不过铺面真系太窄，我地身型太大份，坐靠墙位置，真系逼到冇朋友甜品依然系芋圆、仙草、西米露、剉冰及两款甜汤，价钱唔贵，附近选择太少，即使唔系特别出色，都再黎就系咁解，加上份量真系几大。总汇QQ圆 $25除左芋圆、地瓜圆，仲有丸子、珍珠、桂圆、杞子、红枣、雪耳，老实讲以呢个价钱就真系几抵食嘅，味道还好，算系几滋润。招牌综合剉冰 $30唔知系咪太耐冇黎，上枱时我觉得份量好似大左咁，啲冰成座山仔咁，两个人好勉强都食唔哂 (可能晚餐太丰富)。芋圆、地瓜圆各十几粒，仲有珍珠、红豆、薏米、红腰豆、丸子、西米露。圆嘅味道比之前食算系明显左，地瓜圆偏甜，口感实净有噍头，弹性欠奉。丸子烟韧；珍珠依然痴埋一旧。剉冰粗粒，不过天气热溶得快，所以唔洗狂剉。奶量多，偏甜一点，溶下溶下咁食，都唔算腻。
总汇QQ圆 $25
除左芋圆、地瓜圆，仲有丸子、珍珠、桂圆、杞子、红枣、雪耳，老实讲以呢个价钱就真系几抵食嘅，味道还好，算系几滋润。
招牌综合剉冰 $30唔知系咪太耐冇黎，上枱时我觉得份量好似大左咁，啲冰成座山仔咁，两个人好勉强都食唔哂 (可能晚餐太丰富)。芋圆、地瓜圆各十几粒，仲有珍珠、红豆、薏米、红腰豆、丸子、西米露。圆嘅味道比之前食算系明显左，地瓜圆偏甜，口感实净有噍头，弹性欠奉。丸子烟韧；珍珠依然痴埋一旧。剉冰粗粒，不过天气热溶得快，所以唔洗狂剉。奶量多，偏甜一点，溶下溶下咁食，都唔算腻。
张贴
