爭鮮迴轉壽司 (已結業)

十二点钟松啲黎到，只有两枱客，唔使等位，good呀。啱啱开门，见两位师傅不停手，啲寿司睇落几新鲜，胶盖亦干净。得五十分钟，拣定就开始食嘞。三文鱼刺身，都算厚切，虽然细块。新鲜，唔算肥美，但唔鞋口，ok啦。海胆鱿鱼？卖相差啲但味几好。芥末章鱼？好辣好刺激。甜虾，玻璃虾，本人对虾敏感无食，友人话好鲜甜，甜虾好食啲㖞。黑椒三文鱼沙律？黑椒味好香。海胆，鱼籽，虽然得半份，不过八蚊仲想点。我觉得几鲜味，唔腥吖。鳗鱼甜甜地好食，不过有细骨。花之恋，太多沙律酱，好漏。贝？唔新鲜，浸太多酱油。大虾，同样麻麻地新鲜，友人话无虾味。最后嘅甜品，攞左忌廉泡芙。甜甜咸咸，又软绵绵，仲要多忌廉，几正㖞。服务就麻麻啦，但环境，用具等都比x将好，食材亦比较新鲜。如果唔系好大食，根本没必要去任食，争鲜都已经超抵食啦。