泰國人海南雞 (已搬遷) 新店位置

年初四去左深水步分店，上一次黎已经有D不满呢间野D服务态度，今次再黎一样咁衰，落单呢样冇个样冇，个侍应讲野好似自己祈祷咁细声，超乞人憎。而且好多台既纸巾盒入便已经空晒，见到有另一台既客叫佢比纸巾，佢拎左人地个纸巾盒，将个盒放埋一便就走左去，完全冇跟进，其中有一个男侍应，成个MK仔咁款，成日眼超超咀歪歪，咁唔想做不如唔好做啦。食物方面叫左个泰式什锦捞金边粉、卤水鸭金边粉，前者份量少得可怜，一野可以夹晒，重要冇汤跟，后者鸭肉得丁点两少块，鸭皮就大把。而味道亦不见得好，只叫可以入口，同好似两个字差十万八千里远。重要卖成30蚊碗，完全唔饱肚，简直就系不知所谓。呢间野近年开好多分店，请管理层好好反思食物水准同服务态度，唔系一味净系识开分店，连最基本既野都唔识。