菖蒲亭 (已結業)

放工后想找个地方hea一hea，就放弃一向去开的函馆拉面（因多人较嘈），行多两步去呢间食。入到去觉得都可以坐耐d，因为打开餐牌，已发觉系居酒屋格局，亦即系无乜野食，一系串烧，一系寿司，然后队下sake。如果要饮酒我一定唔会黎呢间，因为tst同cwb都有好的居酒屋，呢度有点唔上唔落。食物价钱系ok……贵，锅烧乌冬$108，我心谂系咪好正宗或特别正。由于无饭餐，所以叫乌冬，点知一上台，心知不妙：咦喂，咁普通既！食落乌冬好一般，唔知配料系咪来自日本啦，以多取胜，但味道好淡，成个窝都好一般水准。$108，我心谂不如我返屋企煮两包cheap乌冬加些鸡蛋蟹柳和紫菜都好味过佢……service系接近无咁滞，食物又贵又咁一般，如果唔系心事重重只求找地方坐，我建议都系坐电车落cwb找间似样的居酒屋hea下，反正，$108食到两三款令自己觉得ok的食物，可以一解工作的闷气，才不枉叫happy hour，振奋自己的心情嘛。结论系：车钱都系唔可以悭，行多几步，总有好路数。所以，呢间野无下次。周汶锜介绍都系咁话。