影片
更多
2013-02-20
142 浏览
首先 本身去之前有睇过食评 都知湾仔分店已经劣评如潮 但点都想一试湾仔店水准太差 对其他店亦唔会再有任何期望.事由: 早两日叫佢地fax菜单过黎 订好左12人1围既$2288, 仲留左只猪, 之后到果日去食饭啦, 点知个经理话呢d系旧菜单, 一早无哂, 又话要落订, 又话今日先改菜单, 又今日先加价, 又问我边个fax俾我, 未食已经把鬼火, 如果唔系食团年饭, 普通晚饭我一早就走人. 服务俾1分都嫌多.最后拣左个$3188餐, 因为碟碟都难以用文字黎形容唔好食, 所以无影过相, 得d乳猪饭可以放入落个口, 其他送菜第2间酒家一定高水准过佢第一味: 虾禾米乳香猪差唔多价钱, 唔使谂, 我一定拣太兴猪, 呢只猪即收皮, 同我屋企楼下d细烧味铺差唔多, 但人地只卖$400有找.第二味:蚝皇南非八头鲍鱼劲细只重味精, 好食过香口胶咁啦富蚝大利花姑d蚝豉臭既, 半碟无人食翡翠螺片珊瑚呢碟最正常, 但份量少, 外观差响螺菜胆煲猪肺重味精滚汤, 平时食廿几蚊烧味饭送例汤都好饮过佢虾籽柚皮海参呢碟都算系好食 海参爽, 但d柚皮都系难食开屏麒麟肉腊肉桂皇球呢碟我都已经唔记得咩黎 定已经无上到 d垃圾唔
湾仔店水准太差 对其他店亦唔会再有任何期望.
事由: 早两日叫佢地fax菜单过黎 订好左12人1围既$2288, 仲留左只猪, 之后到果日去食饭啦, 点知个经理话呢d系旧菜单, 一早无哂, 又话要落订, 又话今日先改菜单, 又今日先加价, 又问我边个fax俾我, 未食已经把鬼火, 如果唔系食团年饭, 普通晚饭我一早就走人. 服务俾1分都嫌多.
最后拣左个$3188餐, 因为碟碟都难以用文字黎形容唔好食, 所以无影过相, 得d乳猪饭可以放入落个口, 其他送菜第2间酒家一定高水准过佢
第一味: 虾禾米乳香猪
差唔多价钱, 唔使谂, 我一定拣太兴猪, 呢只猪即收皮, 同我屋企楼下d细烧味铺差唔多, 但人地只卖$400有找.
第二味:蚝皇南非八头鲍鱼
劲细只重味精, 好食过香口胶咁啦
富蚝大利花姑
d蚝豉臭既, 半碟无人食
翡翠螺片珊瑚
呢碟最正常, 但份量少, 外观差
响螺菜胆煲猪肺
重味精滚汤, 平时食廿几蚊烧味饭送例汤都好饮过佢
虾籽柚皮海参
呢碟都算系好食 海参爽, 但d柚皮都系难食
开屏麒麟肉腊肉桂皇球
呢碟我都已经唔记得咩黎 定已经无上到 d垃圾唔会记住
头抽黄金鸡
水准一般 味道属其他酒家一样
千层马拉糕
呢味甜品最抢手 因为系即刻蒸 亦因为咁 等左20分钟+
黄金万两
咁既价钱, 咁既服务, 咁既质素, 真系贺季季红赚黄金万两啦
总结: 除左环境系好d (因为晚市都系得1/3人系度食饭) 我绝对唔建议黎呢度食饭, 服务劣, 食物差, 价钱贵. 劝说: 试都唔好试!!
(p.s: 唔系咁差我都唔会哂时间打咁长篇野!!)
张贴