越之味 (德民街) (已結業)

自从黄埔蔡澜美食坊冇左间越南野之后，都少食左越南野。上OpenRice揾到呢间越南嘢，谂住试吓。舖头入边个阿姐态度奇差，叫左一个生牛肉汤粉，落单之后啱啱问我究竟系叫左生定熟，我都未嚟得切答，阿姐已经话唔可以改。已经整左就话姐，check都未check,就话冇得改。更何况我都冇出声话要改单！😡跟住叫嘢饮，我谂住叫冻柠茶，阿姐即刻话「越南野边会有冻柠茶！」。我点知你呢间冇？😡包好外卖后，我问左句「入面系咪已经有餐具？」阿姐即刻用质问嘅语气同我讲「紧系有啦，除非你唔要！」😡唔知阿姐系咪老板，但用呢个串串贡嘅态度去对待客人，我以后唔会帮衬。Ps. 野食味度一般，D粉好碎。完。