八千代麵坊 (已結業)

平心而论，虽然六十几七十蚊一碗拉面值唔值系好见人见智，但个汤底认真唔错，所以就算d伙记超寸、赶落单赶埋单。但系经过寻晚不愉快经历后，以后都唔会再咁傻贴钱买难受。落order个女人话要耐d，我同太太问佢咁即系几耐，佢话十五至二十分钟，咁我地都觉得OK，order照落。半个钟之后重未o黎。叫个男仔帮我地跟跟，好似无咩反应。九个字左右，都重系无影无踪，决定放弃叫埋单。张单o黎到o既时候无cancel，于是我叫佢计过。只不过系个汤底几好。d面硬得o黎唔弹牙，失败！d料少得可怜，失败！块叉烧又瘦又干争争，失败！伙记对顾客爱理不理，全程俾面色人睇，失败中o既失败！以后都唔会再去。