生隆餅家 (已搬遷) 新店位置

一直以来中秋节我都只会买奶黄月饼, 半岛同四季酒店既出品都系我喜欢的, 但对莲蓉月饼既感觉就真系好麻麻, 只食到白糖既味道, 所以每次家人朋友话切月饼一齐分食我都一定会拣最多蛋黄既𠮶份黎食, 蛋黄就算普通货色都起码知道真系食紧佢本人, 无比人呃, 食左奶黄月饼咁多年今年想转下口味, 但上网睇左好耐, 发现其实香港月饼市场, 莲蓉月饼同奶黄月饼始终都系占左绝大部份, 所以就决定不如试睇下买唔买到四黄莲蓉, 莲蓉既比例少D, 失望既机会率都少D(私心希望各大饼家可以考虑出斑兰蛋黄月饼), 选择买生隆月饼系因为位置比较方便我地, 佢地只接受亲身到店预订, 攞月饼既时候发现现场买同预先订既月饼盒系唔同样, 个人认为预订𠮶款靓D, 好开心今年拣左生隆黎挑战我一向怕怕既莲蓉月饼,  蛋黄又香又油润, 白莲蓉比到我清新, 甜而不腻既感觉, 饼皮软硬程度刚好, 唔钟意食到一D饼皮好油好腍, 同D莲蓉已经融为一体𠮶种, 呢个唔会,下年会再帮衬。