影片
更多
2017-09-14
137 浏览
天悦广场……东区友都知呢个系一个死寂嘅「伤场」。喺我初中𠮶阵佢亦风光过一时，点解？就系因为一间价廉物美、别具特色嘅日式餐厅「吉之家」。喺佢光荣退休后呢个舖位嘅餐厅都做唔长，而天悦嘅吉舖亦好似细菌咁急速蔓延点解我讲咁多「旧时」？因为呢一间餐厅—「味口福」正正就系开喺「吉之家」嘅舖位。住喺筲箕湾嘅我其实喺「味口福」刚开业 (2017年头) 嘅时候已经留意到佢。当时嘅反应系：「终于有人租喇㖞。唔知又做到几耐呢？」望见MENU虽然觉得吸引，但心中亦有疑问：筲箕湾有冇咁多人会花30蚊食个包都唔食碟饭？如是者，咁就过咗几个月喇。今日兴之所至去食，已经2点几餐厅仲系8成满，比起初开业人气的确高咗好多。亦见到多咗几款价格相宜啲嘅套餐。妈妈一向系睇嘢慢嘅人，老板见我哋一副呆相，就向我哋介绍佢哋嘅拿手菜。我向来好怕同陌生人讲嘢，行街比人截住讲多几句都会唔识应对。老板好有自信咁推介，讲到佢对用料嘅执著，选料嘅原由……一路听住，我冇觉得反感，反而欣尝佢呢份难得嘅热诚~喺老板同食评极力推介下点咗手打牛肉汉堡+蕃茄生菜+芝士。坐喺窗边高枱位虽然私隐度低咗，但系就可以亲眼睇住自己个包「出世」，咁大个女真系冇试过即叫
住喺筲箕湾嘅我其实喺「味口福」刚开业 (2017年头) 嘅时候已经留意到佢。当时嘅反应系：「终于有人租喇㖞。唔知又做到几耐呢？」
望见MENU虽然觉得吸引，但心中亦有疑问：筲箕湾有冇咁多人会花30蚊食个包都唔食碟饭？如是者，咁就过咗几个月喇。今日兴之所至去食，已经2点几餐厅仲系8成满，比起初开业人气的确高咗好多。亦见到多咗几款价格相宜啲嘅套餐。
妈妈一向系睇嘢慢嘅人，老板见我哋一副呆相，就向我哋介绍佢哋嘅拿手菜。
我向来好怕同陌生人讲嘢，行街比人截住讲多几句都会唔识应对。老板好有自信咁推介，讲到佢对用料嘅执著，选料嘅原由……一路听住，我冇觉得反感，反而欣尝佢呢份难得嘅热诚~
手打牛肉汉堡 (墨西哥香辣酱) +蕃茄生菜+芝士
12 浏览
0 赞好
0 留言
喺老板同食评极力推介下点咗手打牛肉汉堡+蕃茄生菜+芝士。
坐喺窗边高枱位虽然私隐度低咗，但系就可以亲眼睇住自己个包「出世」，咁大个女真系冇试过即叫即制，保证热辣辣~
手打牛肉唔少餐厅都做到，但「味口福」连包都系自己厂房出品，甚至连上面嘅芝麻都系先烘好先撒上包面烘烤，一丝不苟，真系好难得。包烘成微啡，食起脆身但面包松软。自家出品嘅包更加比嘉顿包厚身得多，食落更加满足。
拣咗墨西哥香辣酱。酱料酸甜微辣，可以清楚见到入面有辣椒。不过既然餐厅咁多酱拣，辣味嘅可以去尽啲，咁就更正~
切开share之后整塌咗个包XD 但切𠮶吓好治愈，听到包脆皮裂开嘅声音~
手打牛肉中心嘅肉仲系淡粉红，成块汉堡鲜嫰，带甜味。
食住个包我就谂起好出名嘅时新汉堡(红磡)，身为POLY学生，我都只系食过一次，因为贵夹唔值！入内就见到一栋栋嘉顿包 (相信佢生意好到清到货，系新鲜嘅)，而呢度用嘅系自家出品、涨卜卜嘅包。净系计员工态度都好N倍啦~
红豆冰
9 浏览
0 赞好
0 留言
餐饮叫咗红豆冰同冻奶茶
红豆特别大粒，而且起沙。老板话想客人饮到尾都有豆食，专登拣大豆。
奶茶茶底都够晒浓，推介~
期间见老板同员工相处融洽，亦好重视客人嘅意见。实在难得！希望佢搞旺返天悦底层啦~
(未完架今餐~但冇位放相LU~睇埋下篇)
题外话/补充资料：
满$60送热饮(套餐除外)
(以上食记乃用户个人意见 , 并不代表OpenRice之观点。)
张贴
