奈良上釜 (已結業)

昨晚途经登龙街想揾地方晚饭，见呢间奈良上釜有位就试一试。  点了 豚角煮及月见和牛，另啤酒一支。坐得迫系香港贵租区特式我唔太介意。 但如果以一般日式食肆做标准呢间系完全唔及格，真系茶餐厅级 - 杯茶点解可以淡到冇味呢样真系难，啤酒杯冇雪冻兼有洗杯水喺杯入面，因为冇提供纸巾所以唯有用自己嘅去抺干只杯；待应唔认真，头盘连摆位都未识，放低个盘对筷子摆喺向外果边。  个头盘味道冇乜特别好，味道算系可以嘅。 去到个主菜就真系冇办法唔帖文警醒一下各位。 豚角煮系一般猪腩肉，亦冇话系和猪，腩肉勉强够腍，饭嘅酱汁味道就个人口味喜欢。  个 ”月见和牛“ 就超级揾笨，各位千祈咪点，切到一口大细嘅所谓 “宫崎牛" 食落祗系类似超市嘅下价牛腩肉 - 韧夹硬仲要每旧 (系每一旧!!) 都有条特别硬嘅筋，有几旧系冇办法咬得开结果要放弃。呢个 ”月见和牛“ 如果真系用”和牛“，就系我咁多年曾经食过嘅和牛上天下地之中最差嘅（不论本港或外地）！ 收费 188 加一，完完全全系揾笨实 ！祗可以话厨房嘅调味水平唔错，佢到而家都仲几旺因为食物都系靠酱汁(就算刺身都要点酱油!)，味道是可以的；可惜店主连食材都冇办法提供合理质