親愛吃 (已結業)

平时行开铜锣湾Fashion Walk，一直以为呢间只系甜品店，谂住同朋友食完晚饭先过嚟食甜品或糖水，但睇过menu 见到原来都有主菜食架，即时改变行程，决定今晚既晚饭+甜品都系呢间「亲爱吃」一次过搞掂。桥底辣鸡翼 $68非常惹味既炸鸡翼，鸡翼外层炸得好脆，最特别既系用咗炸蒜同黑豆豉。Nachos  $58一个开胃小食，脆卜卜既云吞皮，再配上牛油果沙律酱、蕃茄粒，同埋芝士酱，清新小食，酸酸甜甜。意式肉酱亲爱做宽条面 $98虽然睇落好似系一般既肉酱意粉，宽条面厚度不一，而且比一般宽条面薄，口感亦有D似河粉，系手造宽条面既口感，变相更有咬口同层次，再配上唔会好酸既茄酱，仲有大大粒既牛肉碎，我几钟意食呢个意式肉酱亲爱做宽条面，蕃薯糖水  $68见门口有大大张海报推介呢个蕃薯糖水，见系招牌甜品，当然要试下啦，卖相确系精美，用蕃薯粒同果肉堆砌成个C字，上面放有一个小小既蕃薯蛋糕，蕃薯蛋糕有一层糖霜饼再配香芋雪葩，话明系蕃薯糖水点少得糖水，姜味既紫色糖水系另上既，畀客人自己倒入C字入面，姜味唔太浓亦唔会太甜，整体感觉呢个甜品清清地，怕甜既人都可以考虑下。