影片
更多
2008-02-16
中午路过此地，两口子撑抬脚食晏。看餐牌都系Ｄ普通大路上海菜式，无甚特色！看价钱一Ｄ都唔普通，新春后应该仲加左价添！叫左酸辣汤拉面，连埋加一过五十皮一碗，个碗就认真大，味道唔酸又唔辣，几条木耳，笋o既替身（即系沙葛），唔知鸡红定猪红，五香豆腐等等切丝，杰蹋蹋豆粉水加味精，认真你就大吉，佢就大利！小笼包就差唔多每台都叫，可惜手势就真系麻麻！个个都穿底，块垫底菜叶索晒Ｄ汤，总之对住四个扁跶跶小笼包唔知好嬲定好笑！真系想食菜叶唔食个包，不过好似好寒酸咁，而且又唔知块菜叶有冇洗过，食唔食得？成三十蚊架大哥！四百几ＹＥＮ重贵过日本食架！仲有个鸡丝粉皮更加名贵！一个四吋碟载住Ｄ粉皮，上面舖住一撮鸡丝，淋Ｄ麻油捞花生酱，有几多料大家可以想像！连加一盛惠差不多四十大圆，发啦！佢老板！埋单连茶钱加一，成百四蚊咁滞，得几成饱，侍应多谢一句都悭番！午餐一人一千ＹＥＮ，以为去左日本!日本食午餐一般唔使咁贵添，八百零ＹＥＮ都得啦！重有店员大合唱欢迎同多谢添！
看餐牌都系Ｄ普通大路上海菜式，无甚特色！
看价钱一Ｄ都唔普通，新春后应该仲加左价添！
叫左酸辣汤拉面，连埋加一过五十皮一碗，个碗就认真大，味道唔酸又唔辣，几条木耳，笋o既替身（即系沙葛），唔知鸡红定猪红，五香豆腐等等切丝，杰蹋蹋豆粉水加味精，认真你就大吉，佢就大利！
小笼包就差唔多每台都叫，可惜手势就真系麻麻！个个都穿底，块垫底菜叶索晒Ｄ汤，总之对住四个扁跶跶小笼包唔知好嬲定好笑！真系想食菜叶唔食个包，不过好似好寒酸咁，而且又唔知块菜叶有冇洗过，食唔食得？成三十蚊架大哥！四百几ＹＥＮ重贵过日本食架！
仲有个鸡丝粉皮更加名贵！一个四吋碟载住Ｄ粉皮，上面舖住一撮鸡丝，淋Ｄ麻油捞花生酱，有几多料大家可以想像！连加一盛惠差不多四十大圆，发啦！佢老板！
埋单连茶钱加一，成百四蚊咁滞，得几成饱，侍应多谢一句都悭番！午餐一人一千ＹＥＮ，以为去左日本!日本食午餐一般唔使咁贵添，八百零ＹＥＮ都得啦！重有店员大合唱欢迎同多谢添！
张贴