泰太廚房

見今個星期六天氣涼涼哋，走咗入大尾督食泰國菜，晏晝入咗去行吓，已經去咗呢度留枱，因為望出去對面個湖好舒服好似泰國。
叫野食叫左個湯，生蝦，咖喱包，菜，炒粉。

冬陰功湯，細嘅分到四碗，蝦都好大隻，好肉地。

冬蔭功湯

生蝦刺身，砌得好靚，透明蝦身，新鮮非常！

生蝦刺身

泰國椰菜苗，比較大舊，唔易食，蒜蓉炒沒特別可以唔叫。

咖喱麵包焗蟹肉，麵包脆，好多蟹肉，店員會幫你切開佢，呢個必點。

蛋網炒貴勺，甜甜酸酸，唔錯。

原來仲可以叫隔離越南菜「湖越」食物，我哋叫咗兩碟米紙卷試下，都好正，大大件，好清新。

最後唔知點解有甜品送，都不錯，服務質素都幾好，好勤力加水。