天天茶餐廳

营业中

休息中

我耐唔耐就会响呢间垃圾茶餐厅帮衬，忍佢好多次先上黎閙醒佢，通常我会在隔离食上海面, 但夏天热我就想坐冷气地方入去室内食, 老实讲食物水准不是十分差的，起码可以入口，但果D大婶服务员简直系负评, 唔讲以为我入去乞佢黎食, 坐低我通常要杯热水滩冻等食饱可以饮, 㸃知十次有十次叫佢倒杯热水来都话水未滚(有无咁啱呀?), 你出面水未滚水吧果个煲滚啦呱，你唔想俾一系楝个牌出黎(不供应饮用水), 何况我用黎饮唔系用黎洗筷子, 另外, 辣椒酱、醋果D又收埋叫佢哋拎又好似烦亲佢咁大大力放落枱，见我用完就拿拿声收埋佢，咁悭又度叔，拿拿声折埋佢啦！唉…我同自己讲唔会再去帮衬。正所谓上梁不正下梁歪, 应该好好检讨下对客人的态度。作为人客我们来到小店不求有五星酒店服务，将心比己你也不想人家有同等对待你。