港澳義順牛奶公司 (已結業)

放咗工同男朋友行旺角，行過義順，以前响銅鑼灣總係食唔到，點知今日有緣，梗係幫襯下啦！不過大失所望！入到去裏面已經覺得好凍，外面廿六七度，呢度得番廿度都冇，真係凍到暈，坐得唔舒服！間鋪其實仲有一半枱冇人坐，但係個店員叫我哋坐喺門口嗰啲位，我哋梗係唔制啦，入便仲有咁多位，當時只係六點左右的時間，客量真係唔多。跟住我哋要求要坐卡位，嗰店員勁惡咁叫我哋打橫咁坐埋一邊，唔可以坐哂兩邊，而且我哋都無話唔肯啊，佢一次講咗三四次，真係唔明。我哋兩個人只係坐十五分鐘都冇，啲枱到我哋走時仲有好多，唔明點解佢哋要咁keep住啲位，最緊要係態度惡劣。心有不悅之下，我哋只係叫咗一個招牌雙皮奶食。嘩！嚟到都係不外如是，係，佢係幾香仲滑，但係上面陣皮整得好核突，只係cover到碗的四分三度。同埋蒸到水汪汪，連時間掌握都做唔好，仲講咩嘢明店，仲擺咩嘢架子。 太貴啦嘛，21蚊，都做得唔好，招牌喎，拆招牌就差唔多。