捌拾陸上海冰室

营业中

休息中

有次下午经过餐厅门口见到几多人帮衬，今日就去试下早餐。室外座位很多，不过我都系坐入面，凉下冷气，不过冷气唔够，食食下开始热。早餐有上海早餐，但唔合我胃口，所以还是选港式早餐。两个人点完餐，奶茶先上，厚茶杯，浓茶胆，饮落茶味足，又够热，正常港式奶茶味，唔错。跟住上餐，本来要招牌沙嗲牛肉公仔面，我哋转左鲜牛肉，结果系冇左沙嗲味嘅牛肉，落单时唔知道原来鲜牛肉就唔系沙嗲牛肉，自己误会了，咁就变左一碗普通的牛肉公仔面。不过牛肉都嫩滑，公仔面弹牙，另外配了煎蛋午餐肉及多士。煎蛋ok，餐肉厚切有口感，虽然话系多士但没有烘过，不过冇所谓，我反而喜欢吃软软绵绵的面包。另一个餐要了鲜茄牛肉通粉，同样配煎蛋午餐肉及多士。上台见到原来鲜茄系一大碗罗宋汤，里面有好多蔬菜，牛肉都有好多件，通粉用小号的，容易食。份量够，但茄味不浓郁。总的来说，港式早餐普通，只有奶茶我觉得不错。