厚福館

营业中

休息中

虽则一早写晒菜，但都等左好耐先有得食。 鸡油花雕煮水晶蟹 - 卖相好似麻麻，白雪雪咁，以为淡而无味，点知食落好鲜甜，花雕仲提升左佢既甜味，蟹既底层系乌冬，食完大大只蟹后，将蟹膏加到乌冬一齐食，超正! 牛肝菌炒元贝 - 元贝超大粒，咬落去好新鲜，啖啖肉，其实食材新鲜，简单一煮已经好好味! 椒盐虾 (薯片底) - 可能我唔食辣，呢个对我黎讲实在太辣，虾都新鲜，薯片底亦好特别。 火焰砵酒蚝 - 先用锡纸包住，再用火烧热佢，d蚝大大只，d酒亦烩到入晒味! 菜心炒牛肉 - 简单小菜竟然卖相同味道都依然出色!