LEMMIE Lemon Tea

营业中

休息中

同朋友一行三人，每人嗌咗一杯鸭屎香柠檬茶半糖少冰。制作期间见到个店员净系落咗三片仔柠檬，跟住加咗几次冰，见到个比例系好似好多冰好少茶极少柠，都谂紧会唔会好淡，但都相信人哋嘅专业。但大家饮完第一啖一齐静咗，然后第一个发言话好似饮紧水，第二个话好似饮紧冻柠水，而我觉得系平时饮完杯柠茶剩低啲冰溶咗之后饮𠮶啲水咁既味。饮多几啖饮真啲，只有唔知来自茶定柠既涩味，冇茶香茶味，都冇柠檬味，好淡无乜味。我哋三个都系手打柠檬茶爱好者，周围去试唔同舖既鸭屎香柠檬茶，大家都话未试过咁难饮，好失望，唯有当自己今日健康啲系饮紧水/冻柠水。喺葵广系咁以行咗一个圈，见到有好多间新嘅饮品店，好多都有卖手打柠檬茶，强烈建议大家试其他。