禮賓傅 (已結業)

老友记快将结束王老五生涯，上周五晚就与未婚妻携手相约XO仔同honey出黎食饭派贴。小肥收工时间比较稳定，地点就由老友拣喺其公司附近o既「礼宾傅」，餐店以礼宾起名，当真够哂应景。与家人喺中环用膳大多都系喺会所入面，唔讲真系唔知新世界大厦通往停车场入口𠮶边原来一幢食厦，当中喺五楼o既「礼宾傅」装潢仲要咁华丽。天花上o既吊灯配上餐桌上白色o既餐具枱布，高雅得黎感觉好洋化。散枱上简单以的骰o既指南针作摆设，彷佛正寓意著餐店欢迎来自世界各地之礼宾食客，有意思得很。埋位点好茶水后，靓女姐姐即告知菜式已预先订好哂。原来老王请客主要目的系希望二人能于婚宴上充当司仪一职，讲真能够为兄弟做少少事已感荣幸，要佢破费真系有的过意唔去。羊城鸽松（$138）：每道菜都系预先分好续位上，礼宾式享受果然豪华。第一道鸽松每人有两大件，大方又得体。连同垫底o既生菜包住鸽松黎食，口感爽脆湿润，带甜o既味道浓而不腻。鹅肝虾多士（$88/位）：第二道鹅肝虾多士换配刀叉食用。呈圆形o既虾多士面凸出原只大虾，炸虾头则用作为伴碟，睇头十足，亦证明真材实料！多士松化干脆，虾只爽口弹牙，中间混入鹅肝煮制，令菜式更鲜香润口，实有画龙点睛