茶木‧台式休閒餐廳 (德福廣場1期)

营业中

休息中

晚餐去左德福茶木食，呢间门面已经摆左唔少台式茶饮设备。刚好见到有二人餐，就同朋友一齐试试佢。分食单一菜式拣左金米香茶脆脆骨。黑色一块块嘅唔系紫菜，而系茶叶。排骨嘅肉较干身，一丝一丝，面头仲有充足蜜香，系我喜欢嘅类型。葱椒伴碟凌乱，美感欠奉，金米同本身较干身嘅肉骨亦不和谐，不过整体味道吸引。主菜方面，我同朋友都拣左茶香三文鱼汤渍饭。二人枱根本放唔晒食物，有啲逼🙈讲返个汤渍饭，配有樱花虾、鲣鱼片、脆米，口感同香味都好丰富，三文鱼煎得好香，但略为偏咸，茶香未见，汤味浓郁，饭亦唔会太烂太湿，整体黎讲真系几香、味道唔错。至于杯餐饮嘅茶就真系偏淡，令人有啲失望。