影片
更多
2019-04-12
256 浏览
中午公司拉大队到大平伙食饭，平日不算嗜辣亦不常食四川菜，今日却一改我对四川菜嘅印象 – 辣其实可以很有深度很有层次。同事早已点齐菜式，我乖乖等食同时打量一下餐厅环境。柔和灯光加上墙上的画作，优雅之余很有艺术感。未食正餐先来两份小食，泡椒鹌鹑蛋香入口唔觉辣但后劲好强，越咬越香！冷菜3款各有风味：凉拌莴笋丝切得幼细，加上麻油凉伴非常爽口；店员介绍口水鸡以新鲜鸡去骨烹调，所以肉质嫩滑不霉身，酱料辣中带微甜，好惹味。食开连锁米线舖嘅蒜泥白肉，一望呢碟只觉得摆得好精致！蒜泥味道较浓，白肉卷上青瓜甘香又不油腻。辣子鸡个样够哂震撼，成碟都系红卜卜嘅辣椒！食落出乎预料地唔算好辣，因为辣椒香口而非死辣，鸡粒同腰果都炸得脆身，呢味真系会食唔停口！ 餐厅好有心思用彩椒令颜色偏暗嘅元蹄生色不少，用筷子轻轻一切已经可以分开骨肉，特制调料够哂惹味，元蹄肉非常入味亦丝毫唔觉干身。大家一定要试埋猪皮，好软滑但完全唔肥腻。 水煮桂花鱼嫩滑无骨，花椒香气扑鼻，唔小心咬左一粒花椒成个口痺哂！食完大鱼大肉，仲有味干煸四季豆，四季豆清甜无渣，加入肉碎同辣椒爆炒，菜式越家常真系越显师傅功夫，好味道！食饱饱再睇番餐厅介绍，原来大平
同事早已点齐菜式，我乖乖等食同时打量一下餐厅环境。柔和灯光加上墙上的画作，优雅之余很有艺术感。
未食正餐先来两份小食，泡椒鹌鹑蛋香入口唔觉辣但后劲好强，越咬越香！
冷菜3款各有风味：凉拌莴笋丝切得幼细，加上麻油凉伴非常爽口；店员介绍口水鸡以新鲜鸡去骨烹调，所以肉质嫩滑不霉身，酱料辣中带微甜，好惹味。
食开连锁米线舖嘅蒜泥白肉，一望呢碟只觉得摆得好精致！蒜泥味道较浓，白肉卷上青瓜甘香又不油腻。
辣子鸡个样够哂震撼，成碟都系红卜卜嘅辣椒！食落出乎预料地唔算好辣，因为辣椒香口而非死辣，鸡粒同腰果都炸得脆身，呢味真系会食唔停口！
餐厅好有心思用彩椒令颜色偏暗嘅元蹄生色不少，用筷子轻轻一切已经可以分开骨肉，特制调料够哂惹味，元蹄肉非常入味亦丝毫唔觉干身。
大家一定要试埋猪皮，好软滑但完全唔肥腻。
水煮桂花鱼嫩滑无骨，花椒香气扑鼻，唔小心咬左一粒花椒成个口痺哂！
食完大鱼大肉，仲有味干煸四季豆，四季豆清甜无渣，加入肉碎同辣椒爆炒，菜式越家常真系越显师傅功夫，好味道！
食饱饱再睇番餐厅介绍，原来大平伙系由著名画家王亥与歌唱家太太王小琼创立，志在与一众好友分享王太太烹调的地道四川菜，可以话系香港第一家私房菜馆。店内除左有王亥先生嘅作品，更摆放不少艺术品，连我地坐住嘅餐椅都系艺术创作！
今餐食得满足，更加有大开眼界嘅感觉。虽然由前菜到主食都以辣为主调，但却辣的各有风味，不愧为香港的四川菜老字号！
张贴
