壹壹漁一 (已結業)

香港人都系钟意打边炉，今日放工约左位朋友系附近食饭，天气冻冻地又想打边炉，但又想揾个静小小既地方倾下计，之前食饭行过都见过依间餐厅既招牌，上网睇下又好似几好，所以就约埋朋友黎食下。 首先分享下环境，依间餐厅就系酒店入面既，环境系宁静，座位舒服，有别于一般火锅店，当然个D 火锅店系热闹，但有时如果想静静地倾下计，依度都系一个唔错既选择。 另一样我觉得良好既系餐厅整洁，配料用好精美既樽装住，干净得黎又高贵。 食品方面有套餐有单点，套餐主要系二人餐，有龙虾海鲜火锅餐，728元两位，刺身火锅套餐，788元两位，同埋仲有虾/象拔蚌刺身，698元/728元两位。另外唔够仲可以单点。同朋友商量之后，就拣左龙虾海鲜火锅。 汤底方面都有几多种，有六种免费，但我地都想试下一D 特别D 汤底，所以就拣左花胶椰子炖竹丝鸡锅。锅底都好足料，有乌鸡同埋花胶，打边炉之前侍应帮我地装反碗汤饮左先，汤鲜甜仲有花胶食，都几补下。 跟住就落汤再打边炉，每样材料都好新，海鲜盘有一只龙虾开边、有蚝、蚬、尤鱼同埋鲜鱼片。肉就有澳洲M4和牛同埋日本豚肉。 海鲜新鲜，龙虾啖啖肉，牛肉牛味浓，而且嫩滑唔韧，猪肉小小肥。之后食埋个乌冬，