影片
更多
2016-02-06
601 浏览
明知故犯，以身试法，就梗喺唔好啦，不过，见好几位相熟食友均大赞西港城对面Tartes & Pop嘅法式甜挞点正点正，就当然要以身试「法」啦！的确，单睇卖相已相当吸引，嗜甜嘅小弟又点可以错过，话晒食完晏行过嚟都好快。一室白与橙对衬，宁舍醒目有活力，整间店装修俐落，一边高脚枱櫈，一边饼柜，饼房就晌后面，偷偷哋都可以睇到饼厨做饼。晌长枱嘅一边，放有几本本地嘅饮食杂志，原来喺佢哋嘅报导，真懂得宣传之道。做饮食煮到晓飞都无用，最怕喺无人知、无人懂欣赏啫。经店主简单介绍（佢成日满面笑容，又高大有型，相信冧死唔少女生），原来店内有8款恒常嘅主打款式，另加一款每月之星，所有出品都每日新鲜制作，用料讲究，更有不少喺法国货，款款单价只卖$45。急不及待，就往饼柜处左瞄右瞄，一排9款法挞，五颜六色，琳瑯满目咁引诱客人，实在吸引鬼死，都唔知拣边一款好呀！想就梗喺想一次过试晒啦，一次过带返屋低慢慢叹，实际就应该唔会喇。不过，如果你真喺想咁，又或作为散水饼，买嚟公司搞派对用，有一盒9件嘅礼盒装（$400），其实只喺平$5，如果打番个九折，相信吸引力更大。此外，如口太过讲求精致嘅造型，仲有另一个选择，就喺一盒16件
一室白与橙对衬，宁舍醒目有活力，整间店装修俐落，一边高脚枱櫈，一边饼柜，饼房就晌后面，偷偷哋都可以睇到饼厨做饼。
晌长枱嘅一边，放有几本本地嘅饮食杂志，原来喺佢哋嘅报导，真懂得宣传之道。做饮食煮到晓飞都无用，最怕喺无人知、无人懂欣赏啫。
经店主简单介绍（佢成日满面笑容，又高大有型，相信冧死唔少女生），原来店内有8款恒常嘅主打款式，另加一款每月之星，所有出品都每日新鲜制作，用料讲究，更有不少喺法国货，款款单价只卖$45。
急不及待，就往饼柜处左瞄右瞄，一排9款法挞，五颜六色，琳瑯满目咁引诱客人，实在吸引鬼死，都唔知拣边一款好呀！
想就梗喺想一次过试晒啦，一次过带返屋低慢慢叹，实际就应该唔会喇。不过，如果你真喺想咁，又或作为散水饼，买嚟公司搞派对用，有一盒9件嘅礼盒装（$400），其实只喺平$5，如果打番个九折，相信吸引力更大。
此外，如口太过讲求精致嘅造型，仲有另一个选择，就喺一盒16件嘅迷你法挞礼盒，水准相信一样，只喺卖相精简啲，只卖$350，家中搞派对都几啱，细细件，一啖一件。
未讲甜挞嘅味道，先讲包装，每一件都独立以小纸盒包装，而小纸盒设计精致型格，又有个小挽手，犹如女生嘅小手袋，非常有心思。两件小饼，拎到返公司，冲杯蒸馏咖啡，慢慢叹，不知几爽。
香橙伯爵茶挞（Orange Earl Grey）$45一向都几钟意伯爵茶朕味，配香橙唔知效果又如何？上层喺伯爵茶忌廉迷你泡芙，先食个泡芙小盖，软熟而带少少脆口，而内里嘅伯爵茶忌廉好有伯爵茶茶味，加上忌廉打得绵绵柔滑，好有水准；至于挞底极之松脆，面层涂上一层香橙果蓉酱，鲜香怡人，非常有自然嘅橙香。再试一试一口过泡芙夹甜挞放入口，茶香中有点酸甜，感觉几有趣。
香橙伯爵茶挞
$45
89 浏览
1 赞好
0 留言
苹果焦糖挞（Apple Caramel）$45焦糖嘢向来喺小弟「飞弗」，所以，一眼就相中依一款甜挞。表面上或许喺众多款中最平平无奇，但有啲嘢喺真人不露相，切开一望挞皮做得非常薄，入口甘金脆口；垫底有软绵嘅海绵蛋糕，最落嚟就喺厚厚嘅焦糖苹果蓉，清甜中慢慢渗出焦糖嘅甜蜜，又带少少果肉，啱晒自己口味，好食！
苹果焦糖挞
$45
52 浏览
1 赞好
0 留言
虽然甜挞喺拎走食嘅，但临走时店主问我要唔要杯咖啡饮吓，原来，任何时段佢哋都提供免费咖啡或热茶，仲可以添饮，晌寒冷嘅冬天，更感窝心。或者，留待下次小弟堂食先叹佢啲咖啡！
法国人对饮食嘅热情，完全可以反映晌佢哋嘅甜挞之上；但佢哋待客嘅热情，一样可以从一杯咖啡、热茶中反映出嚟！
张贴
