影片
更多
2024-03-07
48 浏览
今日尖沙咀收工揾地方食个晚饭，去左喺乐道嘅泰浓面，铺面细细间但装修充满泰国色彩，地方唔算好大，以1-4人细台为主。今日叫左一碗面，一个饭一个沙律同两杯野饮，呢度无太多复杂嘅菜色，以面食同小食为主，如果要食咖哩/ 海鲜果啲就唔会有，但重点放返喺今日叫嘅野食度啦。冬阴功肥牛配黄面冬阴功汤面好多地方都会有，不过唔系间间都做得好，配料有惊喜，本身以为会净系得肥牛，原来仲会配埋虾、青口、蟹柳。汤头味道合格，唔会好辣呛喉，怕辣嘅都可以食到，整体呢碗满足到泰国瘾之余又食得舒服。海南鸡饭泰国菜国人必试就系海南鸡，因为师傅功力最容易睇得出，佢个海南鸡今日斩到鸡胸同鸡髀，鸡皮爽滑唔肥，鸡肉腍滑，配泰式嘅酸辣鸡酱，不过如果有埋个鸡汤就正，酱汁同黄饭就正正常常，不过份量可以多少少，男士呢讲可能有啲唔够饱。青木瓜沙律个人口味觉得比较差嘅系呢个沙律，味道偏酸唔够层次，辣度不足，无常见嘅虾皮而用左虾米干，口感唔夹，花生同豆角蕃茄份量偏少。饮品青柠梳打同龙眼冰味道普通无乜特别，特饮选择唔系好多。整体呢讲，菜式选择唔算好多，出品质素合格，不过见佢餐牌上面有啲Fancy嘢，例如个原只波士顿龙虾同A5黑毛和牛，睇吓有无勇士
今日叫左一碗面，一个饭一个沙律同两杯野饮，呢度无太多复杂嘅菜色，以面食同小食为主，如果要食咖哩/ 海鲜果啲就唔会有，但重点放返喺今日叫嘅野食度啦。
冬阴功肥牛配黄面
冬阴功汤面好多地方都会有，不过唔系间间都做得好，配料有惊喜，本身以为会净系得肥牛，原来仲会配埋虾、青口、蟹柳。汤头味道合格，唔会好辣呛喉，怕辣嘅都可以食到，整体呢碗满足到泰国瘾之余又食得舒服。
海南鸡饭
泰国菜国人必试就系海南鸡，因为师傅功力最容易睇得出，佢个海南鸡今日斩到鸡胸同鸡髀，鸡皮爽滑唔肥，鸡肉腍滑，配泰式嘅酸辣鸡酱，不过如果有埋个鸡汤就正，酱汁同黄饭就正正常常，不过份量可以多少少，男士呢讲可能有啲唔够饱。
青木瓜沙律
个人口味觉得比较差嘅系呢个沙律，味道偏酸唔够层次，辣度不足，无常见嘅虾皮而用左虾米干，口感唔夹，花生同豆角蕃茄份量偏少。
饮品青柠梳打同龙眼冰
味道普通无乜特别，特饮选择唔系好多。
整体呢讲，菜式选择唔算好多，出品质素合格，不过见佢餐牌上面有啲Fancy嘢，例如个原只波士顿龙虾同A5黑毛和牛，睇吓有无勇士出个食评，或者我下次出粮再豪一豪试吓。
张贴
