影片
更多
2017-03-10
3506 浏览
今日路过呢间泰国餐厅，见佢个环境都相当唔错，揭吓餐牌发觉仲要非常抵食添，所以就入去试下喇。泰式酸辣凤爪，以套餐加十蚊嚟讲，个份量都算多，都有成四五只，凤爪味道偏酸，啱哂钟意食酸嘢嘅我，垫底𠮶啲生菜同洋葱都相当新鲜，食完啲凤爪都忍唔住食埋佢地。素菜春卷，春卷嘅外皮炸到脆卜卜，里面嘅馅料多到密质质，点埋佢个酸鱼露就可以中和油炸后嘅滞腻感啦。生虾刺身，啲虾只只都好大只，摊番开有成半只手板咁长，食得出肉质极到新鲜，因为𠮶阵鲜甜嘅味道，唔新鲜嘅生虾系无可能做到，点少少酸辣汁，再夹埋佢块生蒜片同埋辣椒一齐食，就系至正宗嘅享受喇。海南鸡饭，首先饮啖汤先，个味道啱啱好，仲隐约饮得出少少肉骨嘅香味，啲鸡肉够哂嫩滑，不过如果啲鸡味再浓一啲相信会更加好。特别喜欢佢𠮶三个酱汁都够哂多，而个黑豉油简直系灵魂啊，咸甜平衡得嚟仲有好香嘅酒味， 个姜蓉就比起其他餐厅𠮶啲海南鸡少油，入口冇咁油腻，啱哂我呢啲怕肥嘅妹猪。冬阴功汤檬粉，配料方面拣咗辣猪肉碎，手撕鸡，炸鱼腐同埋金菇，檬粉一放低已经椰香扑鼻，舀啖汤试下先，唔，系好正宗嘅冬阴功味，再捞匀埋啲辣猪肉碎，再辣多三分，正。手撕鸡嘅份量相当丰富，我食哂啲檬粉都仲有手撕鸡
今日路过呢间泰国餐厅，见佢个环境都相当唔错，揭吓餐牌发觉仲要非常抵食添，所以就入去试下喇。
泰式酸辣凤爪，以套餐加十蚊嚟讲，个份量都算多，都有成四五只，凤爪味道偏酸，啱哂钟意食酸嘢嘅我，垫底𠮶啲生菜同洋葱都相当新鲜，食完啲凤爪都忍唔住食埋佢地。
素菜春卷，春卷嘅外皮炸到脆卜卜，里面嘅馅料多到密质质，点埋佢个酸鱼露就可以中和油炸后嘅滞腻感啦。
生虾刺身，啲虾只只都好大只，摊番开有成半只手板咁长，食得出肉质极到新鲜，因为𠮶阵鲜甜嘅味道，唔新鲜嘅生虾系无可能做到，点少少酸辣汁，再夹埋佢块生蒜片同埋辣椒一齐食，就系至正宗嘅享受喇。
海南鸡饭，首先饮啖汤先，个味道啱啱好，仲隐约饮得出少少肉骨嘅香味，啲鸡肉够哂嫩滑，不过如果啲鸡味再浓一啲相信会更加好。特别喜欢佢𠮶三个酱汁都够哂多，而个黑豉油简直系灵魂啊，咸甜平衡得嚟仲有好香嘅酒味， 个姜蓉就比起其他餐厅𠮶啲海南鸡少油，入口冇咁油腻，啱哂我呢啲怕肥嘅妹猪。
冬阴功汤檬粉，配料方面拣咗辣猪肉碎，手撕鸡，炸鱼腐同埋金菇，檬粉一放低已经椰香扑鼻，舀啖汤试下先，唔，系好正宗嘅冬阴功味，再捞匀埋啲辣猪肉碎，再辣多三分，正。手撕鸡嘅份量相当丰富，我食哂啲檬粉都仲有手撕鸡剩啊。
餐饮嗌咗蓝天梳打，卖相好靓，有少少紫色咁样，梦幻得嚟有带有少少浪漫，饮落唔太甜之余仲带有少少蝶豆花嘅香味，咁就证明无添加到化学成分啦。下午茶时段原来会平几蚊㗎，唔怪得临走𠮶阵座无虚席，仲有啲人喺度排紧队等位啦。
张贴
