JB Kitchen (已結業)

28/11 要系大角咀找一间食肆/特色食品应该唔太难，但要找心目中想惩罚下既，都要找找，openrice 见到呢间新开张既黄店，梗系要去惩罚下。 点知原来系惩罚我先啱🤦‍♂️ 是日我地4人外卖自取，叫左4个晚餐，开始order 既时候就有某d 食材已经没，所以可以选择既少左d，我地叫左既分别系 "意式牛肉酱" ,"香草番茄调味酱蟹肉"(原本系炭烧猪仔骨，没食材😩）"北海道带子饭" "日式鲭鱼饭/意粉" 同4杯冻朱古力， 叫完外卖，足足等左大半个钟先有得拎，店员都有心系拎外卖时有讲唔好意思同送左个餐汤比我地，因为刚好叫左既意粉用晒，要重新煮过所以要等咁耐，心想唔紧要啦，新开店未准备好食材同制作食物要时间，好食既咩都抵返晒。当拎完外卖，由店舖返回住所只需要5~10分钟，返去打开我所食既饭盒，我系食"日式鲭鱼饭" ，一条鲭鱼加个黑松露意大利饭，唔知系我过往食既日式店舖有问题定系呢间店舖既特色，呢个"日式" 鲭鱼饭真系好唔同，黑松露加鲭鱼，我自己口味真心觉得唔太配，而杯冻朱古力，系淡到水咁，又唔知系咪杯美绿同我地一样，冲好左之后要等个意粉先可以，杯冻饮到我手时杯中已经没冰，同有朱古力粉沉淀。