LUNGO (已結業)

LUNGO 系隐身于九龙湾工厂区嘅高质咖啡店，咪睇佢舖仔细细得几个座位，但系就有自家烘焙嘅咖啡豆提供。帮衬当日天气好热，我一心想饮冻啡，于是就 order 咗杯 Coffee Layer，冰冻嘅黑咖啡面头有一层棉密嘅泡沫，口感独特；咖啡偏浓而果酸味较少，系我钟意嘅味道👍。不过其实呢度最出名嘅系 bagel，款式多，有咸有甜，我谂咗一阵，最后拣咗 Pastrami & Guacamole。上枱时，店员好窝心咁将个包稍微加热，并且一分为二，方便进食。咬一口，立即感受到 bagel 独有嘅烟韧口感，以及包面白芝麻同罂粟籽嘅香味。馅料方面，我个人就好钟意牛油果酱𠮶种甘甜嘅味道，配合埋 cream cheese，熏牛肉同沙律菜，好清新，好好食。小店由两名年青男孩主理，佢哋除咗忙于制作食物同咖啡外，更忙于同熟客仔倾偈，喧寒问暖，充满人情味。呢啲就系小店嘅吸引力所在