影片
更多
2006-09-11
44 浏览
今日晏昼又去左呢度开餐, 今次一行5人, 其中一人黎黐餐, 另外一人已经食饱饱, 所以只叫两碟: 三丝炒乌冬, 茄汁杂扒意粉, 餐饮要威路士提子汁同菠萝冰, 两杯都转啤酒杯。只系食左炒乌冬同饮左菠萝冰, 炒乌冬好油, 不过预左, 已比想像中冇咁油。乌冬唔腍bat bat又唔干争争, 几好, 三丝系叉烧, 瘦肉同火腿, 份量几够。味道方面亦几好, 咸味岩岩好, 只系三丝味道唔太出, 叉烧炒得略嫌干身。菠萝冰好甜, 不过成1/3杯都系菠萝, 的确好足料, 功课交齐晒。望落杂扒都几ok, 有一条肠仔, 鸡扒猪扒同牛扒都有, 都唔细块。意粉望落个样似系偏腍, 但系应该都ok。提子汁系加左不少椰果在内, 朋友话几好饮。今日知道原来呢度加饭系唔驶钱, 有朋友试过加左两大碗饭都唔驶钱, 老板真够阔佬! 而且, 星期日叫非午餐碟头饭炒粉面饭, 啤酒杯饮品理应加$7, 但老板就计我地齐头$50。熟客系有著数。另外, 我地开餐时已经系2点几, 当四周o既档口都坐唔过一半时, 呢度却系9成半满, 我地到场时差点儿要等位, 都咪话唔夸张。
只系食左炒乌冬同饮左菠萝冰, 炒乌冬好油, 不过预左, 已比想像中冇咁油。乌冬唔腍bat bat又唔干争争, 几好, 三丝系叉烧, 瘦肉同火腿, 份量几够。味道方面亦几好, 咸味岩岩好, 只系三丝味道唔太出, 叉烧炒得略嫌干身。菠萝冰好甜, 不过成1/3杯都系菠萝, 的确好足料, 功课交齐晒。
望落杂扒都几ok, 有一条肠仔, 鸡扒猪扒同牛扒都有, 都唔细块。意粉望落个样似系偏腍, 但系应该都ok。提子汁系加左不少椰果在内, 朋友话几好饮。
今日知道原来呢度加饭系唔驶钱, 有朋友试过加左两大碗饭都唔驶钱, 老板真够阔佬! 而且, 星期日叫非午餐碟头饭炒粉面饭, 啤酒杯饮品理应加$7, 但老板就计我地齐头$50。熟客系有著数。
另外, 我地开餐时已经系2点几, 当四周o既档口都坐唔过一半时, 呢度却系9成半满, 我地到场时差点儿要等位, 都咪话唔夸张。
张贴
