Alley Coffee

营业中

休息中

其实嚟cafe无论系想饮靓啡或者打卡好，最终目的都系想chill下啫。 话说有日想坐低静静地睇阵书，嚟到𠮶阵大约系闲日下午四点，有一两枱客，环境大致上系静嘅，咁我就坐低点咗杯dirty同埋件芝麻cheesecake。公平啲先讲食物啦，dirty几好饮嘅，但系个芝士蛋糕... 如果唔系黑色嘅话，我唔会食得出佢系芝麻味。食物嚟到冇耐，有个唔知系老板定员工嘅阿叔坐低咗系cafe嘅中心位置系度食面，跟住就开始同班baristas系度大声讲大声笑，完全打断晒我睇书嘅心情，唔讲我以为呢度系间茶餐厅，最弊就系我带埋耳机都仲听到佢哋系度嘈... 一间精品咖啡店唔应该净系著重系咖啡嘅品质，仲要顾及客人品尝嘅过程，如果唔系只会浪费咗杯好啡。你咁嘈法同𠮶啲影相影到杯咖啡都冻晒嘅人有咩分别，都系唔识得尊重自己同埋整咖啡俾你饮嘅人。