影片
更多
2021-11-27
2227 浏览
系D2 Place行完街见肚饿，就周围行下睇下有咩野食，上网search下见到附近有依间「港佬车仔面」，都隔左一段时间无食车仔面既缘故，所以就决定入去食。门口一眼就睇得晒成间舖面，因为都几细下，总共得大约10个位，枱枱凳凳都系旧式既折枱折凳，坐得唔算太舒服。睇左个menu一阵，最后叫左四个𩠌：「招牌牛腩」、「鸡肉」、「皇牌墨鱼头」同埋「秘制辣鱿鱼」加埋出前一丁。汤底方面，虽然佢地标榜自己系采用猪骨鸡汤底，但自己饮落去就觉得味道偏淡，自己加埋辣菜脯，所以感觉成个汤好似剩系得辣味。另外出前一丁方面，一夹上黎就知麻麻地，因为感觉未熟熟就放左落个汤到，食落仲有少少硬。反而𩠌方面自己觉得一定要叫「皇牌墨鱼头」同埋「秘制辣鱿鱼」，墨鱼头都比较大旧，食落都唔会话要咬好耐，够爽口。辣鱿鱼都够入味，口感都唔会差。反而牛腩食落有啲韧，要咬一阵先可以吞。整体黎落自己觉得不过不失，都有几多要进步既地方。个人评分（满分为5）味道：😉😉😉环境：😉😉员工友善度：😉😉😉😉CP值：😉😉😉
门口一眼就睇得晒成间舖面，因为都几细下，总共得大约10个位，枱枱凳凳都系旧式既折枱折凳，坐得唔算太舒服。
睇左个menu一阵，最后叫左四个𩠌：「招牌牛腩」、「鸡肉」、「皇牌墨鱼头」同埋「秘制辣鱿鱼」加埋出前一丁。
汤底方面，虽然佢地标榜自己系采用猪骨鸡汤底，但自己饮落去就觉得味道偏淡，自己加埋辣菜脯，所以感觉成个汤好似剩系得辣味。另外出前一丁方面，一夹上黎就知麻麻地，因为感觉未熟熟就放左落个汤到，食落仲有少少硬。
反而𩠌方面自己觉得一定要叫「皇牌墨鱼头」同埋「秘制辣鱿鱼」，墨鱼头都比较大旧，食落都唔会话要咬好耐，够爽口。辣鱿鱼都够入味，口感都唔会差。反而牛腩食落有啲韧，要咬一阵先可以吞。
整体黎落自己觉得不过不失，都有几多要进步既地方。
个人评分（满分为5）
味道：😉😉😉
环境：😉😉
员工友善度：😉😉😉😉
CP值：😉😉😉
张贴
