翰林茶館 (已結業)

系Openrice 见佢几吸引，又系海港城 应该差极有限啦。入座因为唔多人 所以坐得都几舒服嘅，同阳光充足。我系点餐纸剔咗要 日式麻酱拌面，跟餐，饮冬瓜茶，见佢可以加鲜奶茶，就有剔埋鲜奶茶。过一阵，待应生上咗一个面去隔离枱，而隔离枱话唔系佢。 待应生拎住碗面来回，就上咗去我面前。一嚟碗面上面系有类似肉燥同酸菜系上面，我就问待应生：请问系唔系麻酱拌面？佢睇完张单，就话：系啊 系麻酱拌面。咁既然佢话系，都唯有食啦。食紧佢就放低张单，就发现原来佢落单落错咗炸酱拌面，咁点解佢要指鹿为马 话碗炸酱系麻酱。不过，平心而论 碗面唔差，虽然唔系好好食，但不过不失，都可以一试。只系食唔到自己相食嘅嘢，有啲失望。同埋冬瓜茶系冇得加鲜奶茶，呢方面 建议点餐纸可以写返清晰啲。