美心皇宮 (德福廣場1期)

营业中

休息中

到十月的天氣仲係咁熱， 想搵一間商場裏面嘅酒樓同媽咪飲茶， 選擇到德福廣場的美心皇宮。 而家酒樓多數都係用點心紙落點心的， 這類除咗點心紙之外， 還有推車仔賣點心， 感覺非常懷舊。 我們三個人一共點了炸芋角，牛孖筋，乾蒸牛肉球，蟹籽鮮蝦燒賣，棉花雞， 蛋撻仔和乾炒牛河。炸芋角～ 入口鬆化。牛孖筋～ 黏口感豐富， 炆得好入味。乾蒸牛肉球～ 而家好少酒樓有乾蒸牛肉， 入口啖啖肉，點埋喼汁，正！蟹籽鮮蝦燒賣～ 點心阿姨極力推介， 新鮮出爐， 燒賣熱辣辣加上鮮蝦爽口。棉花雞～ 份量非常多， 棉花質感厚身， 雞肉肉質滑溜。蛋撻仔～ 雖然細細粒，蛋味依然濃郁。乾炒牛河～ 河粉比較少， 牛肉偏乾。整體上酒樓的食物質素中上，點心即叫即蒸，地方寬敞座位舒適，各方面都幾平均。