影片
更多
2009-08-09
106 浏览
即兴的一句「不如饮早茶」，朋友仔仲以为踢对拖落街，实情是「上川龙㖞」随即出发！！！由街市街附近坐绿色小巴上山，三、四个字就到，快到呢！到埗时为九点几，未算人多！腾上腾落最终拣了外出的有瓦遮头的露天位，阵阵微风，出奇地唔热。朋友仔俾我话晒事食乜，入番去拎点心位，有个阿哥突然对住我讲，「阿妹，新鲜热辣刚刚切好，要唔要番碟呀？」一朝早就食烧腩肉？我望住碟腩肉，好似对住我讲「拎我返去啦，拎我返去啦」，咁就中招，第一转拎了虾饺、炸物三宝同埋烧腩肉。虾饺：细size，一口一粒，皮薄虾肉爽口，唔觉有肥猪肉粒，但唔多明点解只系得虾饺用铁笼，究竟是以之分辨价钱，还是另有烹调上的秘技？炸物三宝：自拼咸水角、春卷同炸云吞各一，三件炸物都冻咗，但咸水角个皮仲脆脆地，够烟韧，只嫌内里有点肥肉，之不过枱枱都有有拎呢款点心啰！其余两件炸物都仲脆，尤其喜欢春卷，皆因是小妹喜爱的芋丝馅。烧腩肉：真系热架，皮脆肉松化，只夹住两层薄薄的肥肉，少少肥，唔肥腻，当初朋友仔见我拎碟烧腩肉做早茶点心，都O了嘴，好在佢都觉得好食，不过，少食多滋味，要留肚食其他点心，最后要打包。第N转：大包：见其他枱都有拎，唔拎似乎会后悔，掰开个包之
虾饺：细size，一口一粒，皮薄虾肉爽口，唔觉有肥猪肉粒，但唔多明点解只系得虾饺用铁笼，究竟是以之分辨价钱，还是另有烹调上的秘技？
炸物三宝：自拼咸水角、春卷同炸云吞各一，三件炸物都冻咗，但咸水角个皮仲脆脆地，够烟韧，只嫌内里有点肥肉，之不过枱枱都有有拎呢款点心啰！其余两件炸物都仲脆，尤其喜欢春卷，皆因是小妹喜爱的芋丝馅。
烧腩肉：真系热架，皮脆肉松化，只夹住两层薄薄的肥肉，少少肥，唔肥腻，当初朋友仔见我拎碟烧腩肉做早茶点心，都O了嘴，好在佢都觉得好食，不过，少食多滋味，要留肚食其他点心，最后要打包。
第N转：
大包：见其他枱都有拎，唔拎似乎会后悔，掰开个包之前，同朋友仔估下里面有乜东东，鸡肉、冬菇、烧肉同鹌鹑蛋？实情系一个大版的菜肉包，有点失望！！！
芝麻卷：一到茶楼我就话一定要食，事前每碟都用保鲜纸包住，一打开就闻到阵阵芝麻香，出面其他茶楼真系好难食得到，或者莲香楼啩！
豆腐花：一厢情愿以为山水豆腐花会好滑同够豆香，事与愿违，真系好一般。
两个人埋单一百一十几，食饱饱，仲喺附近行咗一阵，搭车返屋企瞓番个午觉，满足到呢 ;> 实情仲有其他点心想试，同埋川龙仲有另一间端记，朋友仔话会同我再黎㖞，哈哈！！！
张贴
