上海珍珍排骨麵 (已結業)

平日十二点，天落住大雨，笔者无带遮系街就嗱嗱临入呢间上海档避雨兼揾食。入到去餐厅唔多人，难得可以唔洗逼慢慢食等停雨。笔者少谂就单点左碗排骨面食，唔使十分钟就上到。食面例牌先试试个汤底，闻起上黎有啲似福面汤包既气味，饮左啖发觉无咩特别，纯粹系有啲咸味既上汤。再试左几口上海面底，面系偏粗既，食落去质地同味道都好似屋企煮既当当日式乌冬咁，问过如果面底拣上海粗面既话会系乌龙面既粗度。最后就系排骨喇，佢其实系一碟切开左既炸猪柳，炸起既色泽都唔错，可惜食落仲有少少柴口。其实餐厅既环境都唔错，装修有番咁上下格调，喇叭播住谭咏麟演唱会，听住爱在深秋，望住出面既滂沱大雨，都叫做可以做一个放松下自已既午餐。食完埋单坐左阵都仲落紧雨...